Soneto sa Lumang Dopayanin (ikalawa) ni Jez Rico Cuenta

Soneto sa lumang dopayanin (ikalawa) ni Jez Rico Cuenta Halina O Liyag, tayo ay maglayag At kata'y tawirin ang lawas tubigan Baunin ang ngiti't sa ating paglayag; Diyan ko kukunin, lakas kong panagwan Ang lamig ng tubig na dapyo sa balat Umakit sa pusong kay tagal ng uhaw, Sa piling mo liyag ay tunay sasapat; Ligaya ng dibdib na hindi matighaw Sa simoy ng hanging mabini't malamyos Diyata't gumaan ang dusa't ang pagod Salamat sa buting kaloob ng Diyos At musa'y dumaong sa bangka kong lugod Sa munting sandali ng ating paglayag Gunitang sa puso'y yaman kong marilag -kredito sa tula ng makatang Salidumay Diway Heto na po ang kasunod :)