BIKIG NI VICENTE AMURAO

BIKIG ni Vicente Amurao Nakakakilos k pa ba nang ayon sa iyong pasya? Tahasang masasabi mong ika'y tunay na masaya. Yung hindi ka nadadala ng kahit kaninong dikta Walang gapos ang iyong kamay, walang piring ang 'yong mata. Naihahayag mo pa ba ang laman ng iyong isip? Na hindi sisikdo-sikdo ang kaba sa iyong dibdib Kung gayon magsalita ka, huwag ka dyang manahimik Huwag mong hayaan ang dahas ay maghari sa paligid. Di ka dapat mataranta, hindi ka dapat malito Karapatan ay sa lahat, ikaw ako, kayo, tayo Di natin dapat hayaang buhay natin ay magulo Bangon sa pagkakaidlip at ibalik na ang wisyo. Namamasdan mo ang hirap, ang panaghoy at pagiyak Kabataa'y pinapaslang, kabud na lng bumabagsak Ngunit hindi ka kumilos hinayaang mong maganap At patuloy na maghari ang iyong takot at sindak Marahil nga noong una ay hindi mo pinapansin Ang sabi mo ay tama lang at mabawasan ang krimen Mapa-bata at matanda Oh Diyos kong mahabagin Sa biglaang pagkamatay di na nakapanalangin. Tama na po, tama na po may exam pa ako bukas Habang sya'y walang awang hinablot at kinaladkad Siya ay nagmakaawa ang hangari'y makaligtas Subalit di sya pinansin ang buhay niya ay inutas. Sa kabila ng panaghoy at gitna ng mga daing. Nagkibit balikat ka lng at natulog ng mahimbing Kung kaya ang masasama nagpatuloy sa gawain Dahil walang kumokontra, hindi natin pinipigil. Kabi-kabilang pagyurak at alipustang inabot nating mga mamamayang nagpaalipin sa takot Kaya mo ba na tanggaping mahina ang iyong loob Mamamatay na walang laban, hindi ka man lang kukurot. Pagmasdan ang sarili mo't humarap ka sa salamin Mukhang di mo nakikita ang katangian mong angkin Bawat isa ay binigyan ng kanya-kanyang galing Sa tawag ng katarungan naratapat mong gamitin TANGGALIN MO NA ANG PIRING na sa mata'y tumatapal Sumigaw ka nang MALAKAS...upang mawala ang busal Ika'y hindi nag-iisa, napakaraming karamay Kumilos na at alisin ang "bikig" sa lalamunan,