Dung - aw sa Puso ni Jez Rico Cuenta

Dung-aw sa puso ni Jez Rico Cuenta Bumangon ka ading at ika'y dumamay Sa lumbay ng puso kata'y maglalamay Sap'nan mong paa mo't manaog sa balay Paroroon tayo sa tabi ng baybay Magtirik ka ading ng kandilang itim Sapagkat yayaong kasabay ng dilim Ang aking pag-ibig na sa'king sagimsim Sinikil ng lungkot at mga panimdim Minsan ay nag-alay ng mabangong liryo Sa isang dalagang bumihag sa puso Gasinong tikisin yaong aking luho 'Wag lamang magmintis sa aking pagsuyo At sa kalaunan ng kwentong pag-ibig Kahit gagahanip ako'y kanyang ibig Minarapat sundin ang kanyang amain; Pakasal sa isang mayamang ulyanin! Kaya aking payo pakinggan mo ading, Mag-aral mabuti ng 'di magupiling At kung ika'y nasa matayog ng panig Irog mo'y suyuin ng buong pag-ibig