Isang tula - Mukha ng Pilipinas ni Sulyap Talinhaga

MUKHA NG PILIPINAS Masdan mo ang hitsura ng isang paslit,. Nanlilimahid,nakapaa at wala pang damit,. Sa kalagitnaan ng EDSA ay tinitiis ang init. Habang namamalimos sinasamantala ang trapik. Habang kumakatok sa pinto ng sasakyan. Nag- aamot ng awa sa may pusong ginintuan.. Bulyaw ang sagot mga sensitibong mayaman. Sabay na dudura sa mga batang pinandirihan, Ganito ang eksena,sa mukha ng Pilipinas Naglilimayon ang mga taong talipandas Katawan namumutiktik,palamuti na hiyas, Kumikinang sa dilim, pagkatao naaagnas . Ang bayan kong mahal nasakdal sa luha, Mga taong hidhid teroristang mapaminsala Sa dako ng Mindanao,ay kinitil ang tuwa Ng mga pamilyang,sa kabaong iniluksa Ang pag-asa ng marami na pagbabago Ay isa lang alamat at nakatitik sa ĺibro, Ang daming huwad na mapagbalatkayo, Buwayang naturingan,sa bayan naglilo,. At ang dusa ay pasan-pasan sa balikat,. Ang krisis naranasan nagmahal na lahat PresyO ng bilihin,ay pataas nang pataas, Habang ang buhay ay pahirap nang pahirap,. Ngunit ang dahilan nitong mga hinaing Sa mga nakaluklok puso nawa masaling Maralitang pamilya,na walang isasaing Kakarampot na sahod kanila idinadaing Bayan kong mahal,bayan ka ng pighati Ang daming bulok,nakaluklok kinandili Namutiktik ang kaban sa daming salapi Sinipsip mo ang dugo,ng bayang nasawi At ngayon malapit na naman ang eleksyon Ang dami ng pautot palabas sa telibisyon Aspiranteng kandidato ano ang nilalayon? Sobra maaga ang kanilang mga ambisyon Mukha ng Pilipinas sa ngalan ng watawat Itong mga anak mo sa adhika watak-watak Sa kumunoy nalublob yaring mga mahihirap At ang kanilang hininga,ay paandap -andap Ni:Sulyap Talinhaga