Pikit Tayo ni Jose Lapi Lazaro

JOSE LAPI LAZARO lll PIKIT LANG TAYO Humawak ka sa kamay ko Pikit lang tayo. At kung paparating na ang nagbabadyang bagyo. At kung subukin tayo ng walang katiyakang mundo. At sa tuwing nanlalamig ang init ng mga lambing. At sakaling manganib magmaliw ang pagtingin Pikit lang tayo. Kung batuhin man tayo ng walang katapusang panghuhusga. Kung pukulin man tayo ng masasakit na salita. Kung kumatok man ang pagsubok sa ating dalawa. Gawin nating lakas ang isa't - isa. Pikit lang tayo. Sabay nating balikan, saan tayo nagsimula. Alalahanin, bawat galak na nadama't nadarama Hanapin mga dahilan isa’t isa’y idinambana. Bakit ikaw at ako siyang itinadhana. Pikit lang tayo. Humawak ka sa kamay ko, maghawak kamay tayo. Ang mawala ka'y di alam ang aking tungo. Ikaw ang siyang kahulugan ng buhay ko. Ating ipangako, ngayon at kailanman, ika’y akin, ako’y iyo. Pikit lang tayo.