isang tula ni manuel Cruz Ambrosio - Bayaning Makata

BAYANING MAKATA AT, Tulaing Aklat, kasama sa hukay, Armas ng ninuno'y katabi ng bangkay; Nando'n siya ngayon sa luksang libingan: Bayani'ng Makata'ng sumugod sa laban. "MAY punglong isa pang hawak mo sa kamay, Ang Buong Daigdig, ikaw ma'y apakan." -Ang sigaw Makata: - "Dakila kong Bayan, Tapang ng Bayani, ang dugo mong taglay." MAKATA'Y namatay, at ang tanikala, Hindi nabusalan, ang banal na diwa: Sa bayang may giting nilikha ang Tula, Sa Taong matapang at nakikidigma. SA Taong pangahas, Bayan ay sagipin, Bukod tanging alay ang mga tulain; Sa manhid na taong nagpapaalipin, Tula'y walang himig, kahit pa awitin. *** - mula sa na ANG Bagong Himagsikan by Manuel Cruz Ambrocio, Copyright Yr 2017