Isang dapithapon ni Jez Rico Cuenta

Isang Dapithapon Ni Jez Rico Cuenta Kay bigat ng paa't yabag ay gayundin Dapithapong lumbay nang aking tunguhin Ang aming tagpuan na ilang taon ding; Naging piping saksi sa pag-ibig namin Magtungo daw ako sa aming tipanan Ipinasabi lang sa kanyang kaibigan May sasabihin raw, dapat kong malaman Magmadali't yan ay biling karagdagan. At sa'ming tipanan,naro'ong naghintay Ang liham ng liyag na tangi kong buhay May luhang pag-amin nang kanyang isaysay, Aming nalalapit na paghihiwalay. "Giliw ko,mangyari'y bukas makalawa, Itatakda ako doon sa dambana Ako'y limutin na't ibaling sa iba Ang iyong pagsinta" yaong saad niya.