GILIW KO -Pulang Tinta

GILIW KO ni: Pulang Tinta Mula sa hukay na napakalalim ako ay bumangon sa pagkakalibing upang ikaw giliw, muli kong hanapin nang ipagpatuloy ang pag-ibig natin. Sa muling paghakbang nitong mga paa ako ay mapagod , di ka na makita aking babagtasin ang iyong alaala no'ng mga panahong tayo'y magkasama. Oh! nasaan ka na oh mahal kong giliw alay kong bulaklak puno na ng agiw handog kong pag-ibig ay di magmamaliw kahit pa magmukha akong isang baliw. Sakaling mainip sa'king paghihintay sa banig ng lungkot diwa'y iraratay aking pipikit matang nananamlay at sa panaginip ako ay hihimlay.